Мо бо ифтихор хабар мерасонем, ки Ташкилоти мо омӯзишро дар Академияи маблағгузории сабзи БАТР, ки дар якҷоягӣ бо Бонки миллии Тоҷикистон ташкил шудааст, бомуваффақият анҷом дод. Ин омӯзиш моро бо дониш ва малакаҳои зарурӣ баҳри идоракунии хатарҳои иқлимӣ ва татбиқи стратегияҳои рушди устувор шинос кард.

                                                     

Нақши муҳими ҶСП ТАҚХ «ИМОН ИНТЕРНЕШНЛ» дар барнома

ҶСП ТАҚХ «ИМОН ИНТЕРНЕШНЛ» ҳамчун яке аз калонтарин муассисаҳои маблағгузории хурд дар Тоҷикистон, дар самтҳои бонкдории устувор ва сабз фаъолона рушд мекунад. Дар доираи барномаи ҳамкориҳои бахшҳои давлативу хусусӣ, ширкати мо барои идоракунии хатарҳои иқлим ва таҳияи қарорҳои устувори молиявӣ барои мизоҷонамон қадамҳои амалиро ворид намуд. Аз ҷумла, мо ба ҳамгироии хатарҳои иқлимӣ ба раванди арзёбии қарзгирон шурӯъ кардем, ки имкон медиҳад,  лоиҳаҳоеро, ки  ба рушди устувор ва самаранокии энергия равона карда шудаанд, дастгирӣ кунад.

Раиси Раёсати ҶСП ТАҚХ «ИМОН ИНТЕРНЕШНЛ»

"Академияи молиявии сабзи БАТР барои мо як таҷрибаи арзишманд буд, ки ба мо имкон дод, то хатарҳои иқлимиро амиқ дарк намоем ва барои ба ҳадди ақалл кам кардани онҳо тадбирҳои стратегӣ омода созем. Мо ифтихор дорем, ки дар пешбурди маблағгузории сабз ва рушди устувор дар Тоҷикистон ширкат меварзем",  гуфт раиси Раёсати ҶСП ТАҚХ «ИМОН ИНТЕРНЕШНЛ» Палка  Андрей Ярославович.

Иштирок дар конфронс ва натиҷаҳои муҳим

Маросими ҷоизасупорӣ ба иштирокчиёни барнома дар доираи  конфронси “Pathways to Paris 2024”, ки дар Анталияи Туркия баргузор шуд, ҷараён гирифт. Ин чорабинӣ муассисаҳои пешбари молиявӣ, бонкҳои марказӣ, сармоягузорон ва иштирокчиёни бозори сармояро аз Аврупо, Осиё ва Африқои Шимолӣ гирд  овард. Бонкҳои Тоҷикистон, аз ҷумла ҶСП ТАҚХ «ИМОН ИНТЕРНЕШНЛ», дар мастер-классҳо ва семинарҳое, ки дар якҷоягӣ бо Бонки миллии Тоҷикистон ва Академияи маблағгузории сабзи БАТР ташкил карда шудаанд, иштирок намуданд. Барнома  имкон дод, то наздик  100 чемпиони  сабз  муайян шаванд, ки салоҳиятҳоро дар соҳаи бонкдории иқлимӣ рушд диҳанд  ва омодаанд, ки онҳоро дар амал татбиқ созанд.

Нақшаҳои мо оид ба ҷори намудани маблағгузории сабз

ҶСП ТАҚХ «ИМОН ИНТЕРНЕШНЛ» кӯшиш  мекунад, то донишҳои дар Академия азхудкардаашро барои рушди минбаъдаи маҳсулоти устувори молиявӣ фаъолона истифода барад. Мо нақша дорем, ки барномаҳоеро роҳандозӣ намоем, ки ба дастгирии лоиҳаҳои аз ҷиҳати экологӣ тоза ва самараноки энергия нигаронида шудаанд ва инчунин мизоҷони худро барои иштирок дар ин ташаббусҳо ҳавасманд хоҳем кард. Дар доираи тавсеаи имкониятҳои бонкдории сабз, ТАҚХ «ИМОН ИНТЕРНЕШНЛ»  ният дорад барои қарзҳои марбут ба рушди устувор ва самаранокии энергия шартҳои махсуси имтиёзнок пешниҳод намояд.                                           

Даъват ба ҳамкорӣ

Мо мизоҷон ва шарикони худро даъват менамоем, ки дар бораи маҳсулоти нави молиявии сабз, ки дар доираи стратегияи рушди устувор таҳия шудаанд, маълумоти бештар гиранд. ТАҚХ «ИМОН ИНТЕРНЕШНЛ» минбаъд низ талошҳои худро дар ин самт афзоиш медиҳад ва омода аст, ки бо шумо ба манфиати муҳити зист ва иқтисоди кишварамон ҳамкорӣ намояд.