Мизоҷон метавонанд ба ҶСП ТАҚХ “ИМОН ИНТЕРНЕШНЛ” оиди фаъолияти молиявии Ташкилот ва поймол шудани ҳуқуқу манфиатҳои худ ба таври хаттӣ, электронӣ ва шифоҳӣ, аз ҷумла тавассути алоқаи телефонӣ (Маркази тамос) муроҷиат намоянд:

Суроғаи электронӣ: admin@imon.tj, hotline@imon.tj

Маркази тамос: 11-22

Маҳфумҳо оид ба муроҷиатҳо

Муроҷиатҳои хаттӣ.

Муроҷиатҳои хаттӣ тавассути хизматрасонии алоқаи почта, зимни қабули шахсӣ, тавассути хаткашон, ё бо роҳи сабт намудани арзу шикоят ё таклифҳои худ дар қуттӣ ва китоби арзу шикоятҳои мақомоту Ташкилоти дахлдор пешниҳод карда мешаванд. Ҳангоми зарурат, шахсони воқеӣ ва ҳуқуқӣ барои тасдиқи ваҷҳҳояшон ҳуҷҷатҳо (мавод) ё нусхаи онро ба муроҷиати хаттиашон замима карда метавонанд.

Муроҷиатҳои электронӣ.

Муроҷиатҳои электронӣ дар шакли ҳуҷҷати электронии бо имзои электоронии рақамии тасдиқшуда ва дорои дигар маълумотҳои барои ҳуҷҷатҳои электронӣ ҳатмӣ, ки қонунгузории Ҷумҳурии Тоҷикистон муқаррар намудааст, пешниҳод карда мешаванд. Муроҷиатҳое, ки ба суроғаҳои расмии почтаи электронӣ ё дар сомонаи расмии Ташкилот дар шабакаи интернет ворид мешаванд, ҳамчун муроҷиатҳои хаттӣ ҳисобида шуда, тибқи талаботи Қонуни Ҷумҳурии Тоҷикистон “Дар бораи муроҷиати шахсони воқеӣ ва ҳуқуқӣ” баррасӣ карда мешаванд.

Муроҷиатҳои шифоҳӣ.

Муроҷиати шифоҳӣ - муроҷиате, ки зимни қабули шахсӣ ба шахси мансабдор ё ваколатдоршудаи Ташкилот изҳор гардидааст ё тавассути алоқаи телефонӣ (мобилӣ) баён шудааст.

Қабули шахсӣ.

Дар мақомоту ташкилоти дахлдор маҳал, рӯз ва соати қабули муроҷиаткунандагонро роҳбарони он муайян мекунанд. Қабули шахсони воқеӣ ва ҳуқуқӣ (намояндагони онҳо) дар маҳаллаи ҷойгиршавии воҳидҳои сохтории Ташкилот, дар рӯз ва соати муайянгардида, тибқи ҷадвали тасдиқшуда гузаронида мешавад. Шахсони мансабдор ва шахсони ваколатдоршуда уҳдадоранд дар асоси ҷадвали тасдиқнамудаи роҳбари Ташкилот муроҷиаткунандагонро қабул намоянд.

Реҷаи тасдиқшудаи қабули шахсӣ аз ҷониби Раиси Раёсат ва директорони филиалҳо дар сомонаи ҶСП ТАҚХ “ИМОН ИНТЕРНЕШНЛ” www.imon.tj ҷойгир карда шудааст.

Ӯҳдадориҳои шахсони воқеӣ ва ҳуқуқӣ зимни пешниҳоди муроҷиатҳо.

Шахсони воқеӣ ва ҳуқуқӣ ӯҳдадоранд:

- матни муроҷиатҳои хаттӣ ва ҳуҷҷатҳои замимашударо дар шакли хондашаванда пешниҳод намоянд;

- ба шахсони мансабдор ва шахсони ваколатдори дигар эҳтиромона муносибат намоянд;

-  ба истифодаи ифодаҳои қабеҳу таҳқиркунанда, таҳдид ба ҳаёту саломатӣ ва молу мулки шахси баррасикунандаи муроҷиат ё аъзои оилаи он роҳ надиҳанд.

Намунаи Аризаи- шикоятӣ дар сомонаи расмии www.imon.tj ҷойгир карда шудааст.

Аризаи шикоятӣ 

Роҳнамо оид ба пешниҳоди муроҷиатҳо