Санаҳои  24-25 май дар шаҳри Будваи Черногория 25 умин конфронси солонаи ҷашнии  MFC баргузор мешавад, ки дар он мо ният дорем бо сармоягузорони эҳтимолӣ шинос шуда,  ҳамкориро  баррасӣ кунем ва бо сармоягузорони амалкунандаи  ИМОН ИНТЕРНЕШНЛ вохӯриро ба нақша гирем👏
Дар барномаи конфронс инчунин нақши сармоягузории иҷтимоӣ ва сармоя дар мусоидат ба рушди  ширкатҳо ва ҷамоатҳо баррасӣ хоҳад шуд.
MFC - шабакаи сармоягузории иҷтимоиест, ки адолат, фарогирӣ, баробарӣ ва хизматрасонии масъулро тарғиб мекунад ва беш аз 100 ташкилотро  дар 36 кишвари Аврупо ва Осиёи Марказӣ муттаҳид месозад.
Дар тӯли даҳсолаҳои охир конфронси MFC ба як майдончаи динамикӣ барои барқарор кардан ва ба роҳ мондани  робитаҳо байни иштирокчиён ва муассисаҳои онҳо табдил ёфтааст.
Дар конфронс  иштирок доранд:
🔹 Зиёда аз 40 кишвар;
🔹 Зиёда аз 500 мутахассис;
🔹 Зиёда аз 40 сармоягузор, IT- провайдерҳо ва шарикони технологӣ;
Қобили зикр аст, ки ИМОН ИНТЕРНЕШНЛ узви доимии MFC буда, дар кори конфронс аз ИМОН ИНТЕРНЕШНЛ раиси Раёсат Палка Андрей Ярославович иштирок мекунад.