Низоми хазинаи суғуртаи амонату пасандозҳо маҷмӯи чораҳо оид ба ҳимояи ҳуқуқ ва манфиатҳои қонунии пасандоздорон бо роҳи пардохти ҷубронпулии суғурта ба пасандоздорон ҳангоми ба вуқӯъ омадани ҳолати суғуртавӣ дар ташкилотҳои қарзии узви хазинаи суғуртаи амонату пасандозҳои Тоҷикистон мебошад.

Ҳадафи низоми хазинаи суғуртаи амонату пасандозҳо таъмини суботи молиявии Ҷумҳурии Тоҷикистон, аз ҷумла нигоҳ доштани эътимоди аҳолӣ ба низоми бонкӣ мебошад.

Асосҳои фаъолияти низоми хазинаи суғуртаи амонату пасандозҳо бо Қонуни Ҷумҳурии Тоҷикистон “Дар бораи хазинаи суғуртаи амонату пасандозҳои Тоҷикистон” танзим карда мешавад. Бо мақсади таъмини самаранокии низоми суғуртаи амонату пасандозҳо Хазинаи суғуртаи амонату пасандозҳо (минбаъд – Хазина) фаъолият менамояд. Хазина пардохти ҷубронпулии суғуртаро ба пасандоздорон ҳангоми ба вуқӯъ омадани ҳолати суғуртавӣ пардохт менамояд, феҳристи ташкилотҳои қарзӣ-узви низоми суғуртаи амонату пасандозҳои Тоҷикистонро пеш мебарад, баҳисобгирӣ ва ҷамъоварии пардохтҳоро аз ташкилотҳои қарзӣ амал менамояд.

Мақсадҳои Хазина инҳоянд:

• Ҳимояи ҳуқуқ ва манфиатҳои қонунии пасандоздорон бо роҳи пардохти ҷубронпулии суғурта;
• Таҳкими боварии аҳолӣ ба низоми бонкии Ҷумҳурии Тоҷикистон.

Маълумот дар бораи мо:

Суроғаи Хазина: Ҷумҳурии Тоҷикистон, 734025, ш. Душанбе, кӯчаи Маяковский 77/2

Телефонҳо барои Тамос: +992 44 600-32-45

Суроғаи электронӣ: info@idif.tj

Cомонаи Хазина: www.idif.tj