Тартиби узвияти ташкилотҳои қарзӣ ба Хазина

Мутобиқи моддаи 12 ва 15 Қонуни Ҷумҳурии Тоҷикистон “Дар бораи суғуртаи амонату пасандозҳо” ҳар як ташкилоти қарзие, ки иҷозатномаи Бонки миллии Тоҷикистонро барои ҷалби амонату пасандозҳо дорад, узви Хазина мебошад.

Ташкилотҳои қарзӣ барои гирифтани Тасдиқнома дар бораи узвият ба Хазинаи суғуртаи амонату пасандозҳои Тоҷикистон ҳуҷҷатҳои зеринро бояд пешниҳод намоянд:

1. Мактуби расмии ташкилоти қарзӣ ба номи Раиси Хазинаи суғуртаи амонату пасандозҳо оиди қабул намудани он ба узвияти Хазинаи суғуртаи амонату пасандозҳо;

2. Нусхаи иҷозатномаи Бонки миллии Тоҷикистон оиди ҷалби пасандозҳо;

3. Ҳисоботи тавозунии ташкилоти қарзӣ дар санаи аъзошавӣ ба Хазина;

4. Пардохти ҳаққи узвият ба андозаи 0,5 фоизи ҳадди ақалли сармояи оинномавӣ ба суратҳисоби Хазинаи суғуртаи амонату пасандозҳо дар Бонки миллии Тоҷикистон:

Суратҳисоб дар БМТ : 22802972200046

РМА 010018157

БИК 350101101

Хазина дар давоми се рӯзи кории баъди пардохти ҳаққи узвият ташкилоти қарзиро дар Феҳристи ташкилотҳои қарзии низоми суғуртаи амонату пасандозҳо дохил намуда, ба он Тасдиқномаи узвиятро медиҳад.