Барномаи "Занон дар тиҷорат" – аввалин чунин ташаббус дар Тоҷикистон аст. Он ба дастгирии соҳибкории занон тавассути пешниҳоди маблағгузории мақсаднок, дастрасӣ ба "ноу-хау", инчунин дастгирии машваратии Низомҳои байналмилалии тандурустӣ, бо роҳбарии занон равона карда шудааст. Қарз якҷоя бо барномаи мусоидати техникӣ барои "ИМОН ИНТЕРНЕШНЛ" амалӣ мегардад, ки ба самти рушди устувори механизми қарздиҳӣ нигаронида шудааст.

Донорҳои байналмилалӣ барои як қатор унсурҳои барномаи "Занон дар тиҷорат" дар Тоҷикистон маблағгузорӣ ҷудо мекунанд, хоса ба суғуртакунонӣ аз аввалин талафот, барномаи дастгирии техникӣ ва ҳамроҳии машваратӣ. То имрӯз бо ин мақсад аллакай 450 ҳаз. долл. ИМА ҷудо гардидааст, ки он аз Фонди рушди тиҷорати хурд БАТР ворид шудааст ва Италия, Чин (Тайбэй), Корея, Люксембург, ИМА, Швейтсария ва Шветсия донорҳои он мебошанд.

Хусусияти барномаи "Занон дар тиҷорат" аз он иборат аст, ки дар заноне, ки пеш аз ин ба таъсиси кори худ ҷуръат накарда буданд, дар робита бо пайдоиши дастгирии ҷиддии молиявӣ аз БАТР имкониятҳои нав ба миён меоянд . Қарз ба 1 миллион доллар бо эквиваленти тоҷикӣ ба ТАҚХ "ИМОН ИНТЕРНЕШНЛ" дар маблағгузории рушди соҳибкории занон дар Тоҷикистон кӯмак мекунад. Барнома аз ҷониби БАТР маблағгузорӣ шуда, барои соҳибкории хурд ва миёна, ки онро занон роҳбарӣ мекунанд дастрас аст ва ба рушди соҳибкорӣ бо роҳи пешниҳоди дастрасӣ ба захираҳои молиявӣ, техникӣ ва ноу-хау, ки барои рушди соҳибкорӣ заруранд, мусоидат мекунад. Тоҷикистон 17-умин кишвар аст, ки ба ин барномаи глобалии БАТР шомил мегардад.