1 мая 2026
Бонки ИМОН Интернешнл ҳифз ва махфияти маълумоти шахсии мизоҷонро мутобиқи қонунгузории Ҷумҳурии Тоҷикистон таъмин намуда, барои пешгирии дастрасии беиҷозат, гумшавӣ ё ошкоршавии маълумот чораҳои муосири амниятиро татбиқ менамояд.
🔹 Ҷамъоварӣ ва коркарди маълумоти шахсӣ
Бонк маълумоти шахсии мизоҷонро танҳо бо мақсади пешниҳоди хизматрасониҳои бонкӣ, иҷрои уҳдадориҳои шартномавӣ, риояи талаботи қонунгузорӣ ва баланд бардоштани сифати хизматрасонӣ ҷамъоварӣ ва коркард менамояд.
Ба маълумоти коркардшаванда метавонанд дохил шаванд: ному насаб, маълумоти тамос, маълумоти ҳуҷҷати тасдиқкунандаи шахсият, маълумоти молиявӣ ва дигар маълумоте, ки барои хизматрасонӣ ба мизоҷ зарур мебошанд.
🔹 Принсипҳои коркарди маълумот
Коркарди маълумоти шахсӣ дар асоси принсипҳои зерин амалӣ карда мешавад:
қонуният ва адолатнокӣ
маҳдудияти мақсадҳои коркард
кам кардани ҳаҷми маълумот
таъмини дақиқӣ ва мубрамияти маълумот
ҳифз аз дастрасии беиҷозат
🔹 Интиқоли маълумоти шахсӣ ба шахсони сеюм
Бонк метавонад маълумоти шахсиро ба шахсони сеюм танҳо дар ҳолатҳое интиқол диҳад, ки қонунгузории Ҷумҳурии Тоҷикистон пешбинӣ намудааст, инчунин дар доираи иҷрои уҳдадориҳои шартномавӣ (масалан, системаҳои пардохтӣ, шарикон ва мақомоти давлатӣ).
Интиқоли маълумот бо риояи талаботи махфият ва амният амалӣ карда мешавад.
🔹 Ҳифзи маълумоти шахсӣ
Бонк чораҳои ташкилӣ ва техникии ҳифзи маълумотро татбиқ менамояд, аз ҷумла рамзгузорӣ, назорати дастрасӣ, системаҳои мониторинг ва санҷишҳои мунтазами амниятӣ.
Дастрасӣ ба маълумоти шахсӣ танҳо ба кормандони ваколатдори бонк дода мешавад.
🔹 Муҳлати нигоҳдории маълумот
Маълумоти шахсӣ дар муҳлате нигоҳ дошта мешавад, ки барои расидан ба мақсадҳои коркард зарур мебошад, инчунин дар муҳлатҳое, ки қонунгузории Ҷумҳурии Тоҷикистон муқаррар намудааст.
🔹 Ҳуқуқҳои мизоҷ
Мизоҷон ҳуқуқ доранд:
оид ба коркарди маълумоти шахсии худ маълумот дастрас намоянд
ислоҳ, навсозӣ ё нест намудани маълумотро талаб намоянд
дар ҳолатҳои пешбининамудаи қонунгузорӣ коркарди маълумотро маҳдуд созанд
Бонки ИМОН Интернешнл махфияти маълумоти шахсиро кафолат дода, барои ҳифзи онҳо тамоми чораҳои заруриро меандешад.
