Дар филиали «Имон Интернешнл» дар ноҳияи Мастчоҳ барои ҷавонон тренинг оид ба саводнокии молиявӣ баргузор гардид.
Бонки «Имон Интернешнл» дар ноҳияи Мастчоҳ барои ҷавонон тренинги саводнокии молиявӣ баргузор намуд
Бонки «Имон Интернешнл» дастгирии ҷавононро идома дода, ба насли наврас дар азхуд намудани малакаҳои муҳими идоракунии маблағҳои шахсӣ дар саросари Тоҷикистон мусоидат менамояд.
Дар доираи Ҳадафи 1-уми Рушди Устувор (Барҳам додани камбизоатӣ), мо дар ноҳияи Мастчоҳ тренинг оид ба саводнокии молиявиро баргузор намудем, ки ҳадафи он баланд бардоштани сатҳи донишҳои молиявии ҷавонон, аз ҷумла насли наврас мебошад.
Дар ҷараёни машғулиятҳои интерактивӣ мо якҷоя мавзӯъҳои муҳимро баррасӣ намудем, ки барои зиндагии бехатар ва боэътимод дар ҷаҳони рақамии муосир заруранд:
Амнияти иттилоотӣ ва муҳофизат аз қаллобии интернетӣ: Мо ба иштирокчиён тарзи шинохтани усулҳои қаллобӣ дар интернет ва роҳҳои ҳифзи маълумоти шахсиро фаҳмонидем.
Пасандоз ва сарфаҷӯӣ: Ҷавонон бо усулҳои самараноки ташкили захираи молиявӣ барои ҳолатҳои ғайричашмдошт ва банақшагирии дурусти буҷет шинос шуданд.
Маҳсулоти бонкӣ: Мо инчунин маълумотро дар бораи истифодаи самараноки воситаҳо ва хизматрасониҳои муосири молиявӣ пешниҳод намудем.
Қарзгирии масъулиятнок: Диққати махсус ба арзёбии воқеии имкониятҳои молиявии шахсӣ ҳангоми гирифтани қарз равона карда шуд, то аз сарбории аз ҳад зиёди қарзӣ пешгирӣ карда шавад.
Баргузории чунин чорабиниҳо бевосита ба татбиқи Ҳадафи 1-уми Рушди Устувори Созмони Милали Муттаҳид (Барҳам додани камбизоатӣ) мусоидат менамояд. Бонки «Имон Интернешнл» тавассути баланд бардоштани сатҳи саводнокии молиявии ҷавонон ба насли наврас дар қабули қарорҳои оқилонаи иқтисодӣ, ташаккули ояндаи устувори молиявӣ ва беҳтар намудани сатҳи некӯаҳволии оилаҳо мусоидат мекунад.
