13 сентября 2026
12 сентябр дар шаҳри Душанбе форуми байналмилалии «Ман» бори даҳум баргузор гардид. Ин вохӯрии юбилейӣ соҳибкорон, коршиносон, мутахассисон ва намояндагони соҳаи эҷодиро ба ҳам овард. Яке аз шарикони чорабинӣ Бонки ИМОН ИНТЕРНЕШНЛ буд.
Дар тӯли даҳ сол форуми «Ман» ба як майдони вохӯрии одамон аз соҳаҳо ва кишварҳои гуногун табдил ёфтааст, ки дар он иштирокчиён таҷрибаи худро мубодила мекунанд ва имкониятҳои нави ҳамкориро пайдо менамоянд. Дар маркази барномаи юбилейӣ ҳикояҳои заноне қарор доштанд, ки соҳибкории худро рушд медиҳанд, ғояҳои худро амалӣ месозанд ва бо намунаи худ дигаронро илҳом мебахшанд.
Чунин ҳикояҳо махсусан арзишманданд, зеро дар паси онҳо роҳи воқеӣ — қадамҳои аввал, қарорҳои қабулшуда, мушкилоти пасисаркарда ва одамоне ҳастанд, ки бо дастгирии худ барои пеш рафтан кумак кардаанд. Дар форум иштирокчиён имкон доштанд ин таҷрибаро бевосита аз худи қаҳрамонон бишнаванд, бо ҳамфикрон шинос шаванд ва нақшаҳои худро бо шахсоне муҳокима кунанд, ки аллакай дар соҳаи мавриди таваҷҷуҳашон фаъолият доранд.
Муошират миёни иштирокчиён низ дар барномаи форум ҷойгоҳи хос дошт. Мубодилаи тамосҳо ва пайдо кардани шарикони тиҷоратӣ имкон медиҳад, ки гуфтугӯ пас аз анҷоми форум низ идома ёбад — ин дафъа дар шакли ғояҳо ва лоиҳаҳои муштарак. Маҳз ҳамин имконият вохӯриро ба майдоне барои эҷоди робитаҳои нави касбӣ табдил медиҳад.
Дастгирии форуми «Ман» ба арзишҳои Бонки ИМОН ИНТЕРНЕШНЛ наздик аст. Мо хуб дарк мекунем, ки барои рушди инсон ва фаъолияти ӯ дастрасӣ ба дониш, боварӣ ба қувваи худ ва имконияти гирифтани дастгирӣ то чӣ андоза муҳим аст. Бонк мекӯшад дар паҳлӯи онҳое бошад, ки барои оянда нақша месозанд ва онҳоро пайваста ба воқеият табдил медиҳанд.
«Барои мо махсусан муҳим аст, ки майдонҳоеро дастгирӣ намоем, ки дар онҳо одамон на танҳо донишҳои нав мегиранд, балки ҳамдигарро пайдо мекунанд — ҳамфикрон, шарикон ва шахсоне, ки метавонанд илҳом бахшанду дастгирӣ намоянд. Форуми “Ман” маҳз чунин фазоро фароҳам меорад. Дар ин ҷо ғояҳо ба вуҷуд меоянд, робитаҳои нав шакл мегиранд ва боварӣ пайдо мешавад, ки қадами навро метавон якҷоя гузошт», — қайд намуд Хосиятхон Тухтаназарова, роҳбари шуъбаи маркетинги рақамии Бонки ИМОН ИНТЕРНЕШНЛ.
Ба нишони сипос барои ҳамкорӣ ташкилкунандагони форум ба Бонки ИМОН ИНТЕРНЕШНАЛ ҷоиза тақдим карданд. Барои мо ин қадрдонӣ аз иштироки Бонк дар чорабиниест, ки аллакай даҳ сол боз одамони фаъол ва ҳадафмандро муттаҳид менамояд.
Ба ташкилкунандагони форуми «Ман» барои эътимод ва имкони қисми ин вохӯрии юбилейӣ шудан изҳори сипос менамоем. Дастаи лоиҳаро бо 10-солагии форум табрик гуфта, ба ҳамаи иштиро
