Ташкил ва рушд

Таърихи ширкати ИМОН ИНТЕРНЕШНЛ  дар оғози  солҳои 90-ум, замоне оғоз шуд, ки Тоҷикистон аз иқтисоди нақшавӣ ба муносибатҳои нави бозоргонӣ гузашт.

Барои ҳалли мушкилоти афзояндаи бекорӣ муассисони ИМОН ИНТЕРНЕШНЛ  тасмим гирифтанд, ки захираҳои худро барои омӯзиши занон ба соҳибкорӣ истифода баранд.

Омӯзиш ва дастгирӣ:

ИМОН ИНТЕРНЕШНЛ  таҷрибаи созмонҳои ғайридавлатиро омўхта, ба омӯзиши  занон дар курсҳои тиҷоратӣ шурўъ намуд. Ҳамин тавр Ассотсиатсияи занони соҳибкори Тоҷикистон (AЗСТ), ки соли 1995 сабти ном шудааст, арзи вуҷуд кард. Муассисони ташкилот барномаҳои таълимӣ таҳия намуда, тренингҳои тиҷоратӣ гузарониданд. Бонувон  аз муваффақиятҳои соҳибкорзанони дигар илҳом гирифта, ба кушодани тиҷорати худ шурӯъ намуданд.

Соли 1999 аз ҷониби ташкилот  лоиҳаи «Қарзҳои хурд дар Тоҷикистон» роҳандозӣ карда шуд. Ин як лоиҳаи беназир  ва то андозае аввалин дар Тоҷикистон буд, ки аз ҷониби Агентии Байналмилалӣ оид ба рушди ИМА (USAID) ва Департаменти  кишоварзии Амрико (USDA) маблағгузорӣ гардид. Лоиҳа дар ҳамкории зич бо “Корпуси Шафқат” тадбиқ шуда, ҳадафи он таъмини дастрасии занон ба маблағгузорӣ,  хоса  дар деҳот буд.

Дар як муддати кутоҳ,  ҳамарӯза аз болои  таҳияи сиёсат, расмиёти тиҷорат ва нақшаи стратегии рушди лоиҳа, инчунин институтсионализатсия корбарӣ намуда, лоиҳа ба худтаъминкунии пурра гузаронида шуд.

ИМОН ИНТЕРНЕШНЛ  пешсаф  дар таҳияи барномаҳои қарздиҳии хурд дар Тоҷикистон маҳсуб меёбад. Ташкилот дар як муддати кутох  тими пуркуввату кордонро асосан аз ҳисоби занон таъсис дода,  тавонист ба онҳо усулҳои қарздиҳии хурдро омӯзонад. Дар ин давра ғояи қарзҳои хурд дар Тоҷикистон комилан нав буд, ҳеҷ кас  бе гарав қарз намедод. ИМОН ИНТЕРНЕШНЛ   якҷоя бо дастаи худ бори аввал ба пешниҳоди қарзҳои хурд ба қишрҳои осебпазири аҳолӣ, асосан занон оғоз намуда, бо забони оддӣ  моҳияти иқтисодии қарзи хурд ва нишонаҳои муҳимтарини онро, ки имконияти истифодаи онро тавсиф мекунанд, фаҳмонида дод. Ин дар тафаккури одамон ва дар такдири онхо табодулот буд.

ИМОН ИНТЕРНЕШНЛ   модели кӯҳнашудаи фаъолияти иқтисодии  «даромади паст - сатҳи пасти пасандозҳо - сатҳи пасти сармоягузорӣ»-ро ба модели «даромади кам - пешниҳоди қарз - сармоягузорӣ - сатҳи баланди даромад - сатҳи баланди пасандоз - сатҳи баланди сармоягузорӣ — даромади боз ҳам зиёдтар» иваз намуд.

Табдил ёфтан ба ТАҚХ

Аз соли 2003 то 2004 Ҳукумати Ҷумҳурии Тоҷикистон дар якҷоягӣ бо Бонки Ҷаҳонӣ, Бонки Осиёии Рушд ва донорҳои байналмилалӣ қонун оид ба танзими фаъолияти маблағгузории хурдро таҳия намуд, ки дар он ИМОН ИНТЕРНЕШНЛ як қисми раванди мазкур буд.

Соли 2005 аввалин созишномаи қарзии ИМОН ИНТЕРНЕШНЛ бо БАТР ба имзо расид, ки маблағҳои он барои васеъ намудани базаи мизоҷон ва сандуқи қарзии ИМОН ИНТЕРНЕШНЛ равона карда шуданд.

Соли 2012 ташкилот ба Ташкилоти амонатии қарзии хурди “ИМОН ИНТЕРНЕШНЛ”  табдил ёфт.

Марҳилаи муҳим дар рушди ташкилот  ҷалби маблағгузорӣ  ба сармояи институт  бо мақсади диверсификатсияи манбаъҳои маблағгузорӣ ва таҳияи стратегияи дарозмуддат барои  рушди он буд. Ба сармояи ташкилот дар навбати аввал  сармоягузорони нигаронидашудаи иҷтимоӣ, аз қабили Трипл Джамп, ФМО, БАТР  ва Микрокапитал ҷалб карда шуданд. Ин сармоягузорон рисолати иҷтимоии ИМОН-ро комилан дарк намуда,  ҳамзамон барои ноил шудан ба ҳадафҳои амалиётӣ ва стратегии ширкат кӯмаки назарраси техникӣ расониданд.

Гузаронидани рейтинги иҷтимоӣ, СМАРТ сертификатсия, ташкили  як дастаи хуб ҳамоҳангшуда бо рӯҳияи баланди корпоративӣ дар мувофиқат бо таҷрибаҳои беҳтарини идоракунии корпоративӣ, ин на ҳамаи рӯйхати пурраи навовариҳои иҷтимоӣ ва таҷрибаи пешқадам аст, ки Муассисон ба институт овардаанд.

Имрўз “ИМОН ИНТЕРНЕШНЛ” дастгирии рушди иқтисодии Тоҷикистонро идома дода, дастрасии устувори аҳолӣ ба маблағро таъмин менамояд.

Рисолати ташкилот:

Мусоидат ба рушди устувори иқтисодии Тоҷикистон, кӯмак  намудан ба баланд бардоштани сифати зиндагии мардум тавассути таъмини дастрасии устувор ба маблағгузории қисми аз ҷиҳати иқтисодӣ фаъоли аҳолии Тоҷикистон.

Дастовардҳо:

1. Моҳи феврали соли 2022 ТАҚХ ИМОН ИНТЕРНЕШНЛ  аз сертификатсиякунонӣ  оид ба  Принсипҳои ҳифзи мизоҷон бомуваффақият гузашта,  рейтинги баландтарин – «Сертификати тиллоӣ»-ро гирифт.

Сатҳи GOLD сатҳи баландтарини сертификатсия аст ва маънои онро дорад, ки ИМОН ИНТЕРНЕШНЛ   ба ҷиддитарин  принсипҳои ҳифзи мизоҷон, ки дар Стандартҳои байналмилалии универсалии идоракунии таъсироти  иҷтимоӣ муқаррар шудаанд, мувофиқат мекунад.

Қобили зикр аст, ки ИМОН ИНТЕРНЕШНЛ   ягона ташкилоти молиявӣ дар Ҷумҳурии Тоҷикистон мебошад, ки дорои ин Сертификат аст.

2. Ширкати байналмилалии рейтингии «MicroFinanza Rating», ки аз ҷониби Гурӯҳи Бонки Умумиҷаҳонӣ - CGAP барои арзёбии ташкилотҳои қарзии хурд ва бонкҳо тасдиқ шудааст, баҳодиҳии рейтинги иҷтимоии байналмилалии фаъолияти ТАҚХ «ИМОН ИНТЕРНЕШНЛ»-ро гузаронида,  моҳи январи соли 2022 бахои sA- ро дод.

Дар доираи рейтинги иҷтимоӣ ҷанбаҳо ва самтҳои зерини фаъолияти ташкилот таҳлил карда шуданд: рисолати иҷтимоӣ, стратегияи иҷтимоӣ, мувозинат байни фаъолияти молиявӣ ва иҷтимоӣ, мониторинги иҷтимоӣ, пешгирии қарзи аз ҳад зиёди мизоҷон, шаффофият, нархгузории масъулиятнок, махфияти маълумот оид ба  мизоҷон, масъулияти иҷтимоӣ дар муносибат бо кормандон ва ҷомеа, ҳифзи муҳити зист, дастрасӣ, сифат ва чандирии хизматрасониҳои  пешниҳодшуда.

Пас аз таҳлили ҳамаҷонибаи фаъолияти Ширкат, агентии байналмилалии рейтингии MFR ба ЗАО ТАҚХ « ИМОН ИНТЕРНЕШНЛ » рейтинги институтсионалии сатҳи α- high дод.

Ин баҳогузорӣ  ба сатҳи хуби идоракунии корпоративӣ, системаи идоракунии хавфҳо, назорати дохилӣ, кофияти  баланди сармоя, инчунин сатҳи пасти дучоршавӣ ба пардохтпазирӣ ва хавфҳои бозорӣ вобаста аст.

Рейтинги институтсионалии қаблии a- medium ба Ширкат моҳи ноябри соли 2021 дода шуда буд ва рейтинги нави a- high моҳи ноябри соли 2022 нишондиҳандаи эътимоднокӣ ва рушд дар  бозори молиявии Тоҷикистон мебошад.

Амалиётҳои бонкӣ:

- ҷалби пасандозҳо ва амонатҳои  шахсони воқеӣ ва ҳуқуқӣ;

- додани қарзҳои хурд (таъминшуда ва таъминнашуда);

- кушодан ва бурдани суратҳисобҳои бонкӣ;

- интиқоли маблағ бо дархости муштариён;

- додани кафолат;

- шартномаҳои форвардӣ  ва своп барои худ;

- амалиётҳои ҳисоббаробаркунӣ ва мубодила;

- амалиётҳои хазинавӣ;

- барориши кортҳои бонкии пардохтӣ ва амалиёт тавассути онҳо.

Рисолати мо:

Мусоидат ба рушди мӯътадили иқтисодии Тоҷикистон, саҳмгузорӣ  барои  баланд бардоштани сифати зиндагӣ тавассути таъмини дастрасии устувор ба маблағгузории қисми аз ҷиҳати иқтисодӣ фаъоли аҳолии Тоҷикистон.

Дастовардҳои мо:

ҶСП ТАҚХ "ИМОН ИНТЕРНЕШНЛ" дар давоми солҳои фаъолияти худ бисер мукофотҳоро барои хизматрасониҳои молияви шаффоф, хизматрасонии босифат ба мизоҷон, мутобиқ будан ба дурнамои иҷтимоии худ ва дастгирии брендӣ ба даст овардааст.